←  Ecclesiastes (12/12)

---

1.

I vanglaiin nangma Siemtu che hre zing rawh-Hun harsa, tar hunin a nang hma che,"Dam khom inhoi ka ti ta nawh"I ti hun a tlung hma ngei hin;

2.

Nisa le var, thla le arasihai,I hmu that thei naw hma le,Ruo sur zo, sum inkieng khom,Innim zinga i hriet hma ngei hin;

3.

I'n vengna i kut inthin a,I zang hung inkul vong a,Bu fakna ding ha nei ta lo a,Bu khom soi thei ta loa um a,I mithai hung inthim a,Khuo i hmu thei naw hma hin;

4.

I nahai hung set vong a,Kotthlera ri hre thei ta lo a,Bu her khawl ri hre liet liet a,Vate inhramin kei tho a,An inhram i hriet liet liet hun,A hung tlung hma ngei hin;

5.

Thil insanghai hung ti a,Kotthlerah invak ngam ta lo a,Luah kelsam hung to a,Khau ang ela hung invak a,Tisa chakna hrim nei ta lo a,Thina kotkhara chun ngir a,Chatuon in i pan tawm a,Kotthlerah mipui inzui dul dul a,Suna an ta liem hma che hin;

6.

I nun tangka zai chu inchat a,Rangkachak berbu chu koi a,Tuikhura tuibel chu koi a,A khai suokna hrui inchat a,

7.

Pilvut chu hnuoiah kir a,A petu Pathien kuom tieng,I thlarau a kir hma hin.

8.

Thuhriltu chun, "Iengma lo el,Thil po po hi iengma lo takzet,An lo ni vong a nih" a ta.Thu khaikhawmna

9.

Thuhriltu chu a var chauh khom ni loin, mihai chu hrietna a zirtir a, thuvar tam tak ngaituoin a zong suok a, indot peiin a rem khawm a.

10.

Thuhriltu chun a hril suokna ding thu fie tak a dap suok a, a thuhrilhai hi a felin a'n dik a nih.

11.

Mi varhai thu chu Berampu pek ran khalna hawlthir zum ang a na, an thuvar khon khawmhai khom thirkila nghet taka kil bur anga nghet a nih.

12.

Ka naupa, hieng thuhai hi infuinaah hmang rawh. Lekhabu siemin tawpintai a nei naw a, tiem rawn khom taksa sawlna a nih.

13.

Hieng thu po po khaikhawmna chu hi hi a nih: Pathien ti la, a thupekhai vong rawh; chu chu mihriem po po thaw ding tak chu a nih.

14.

Pathien chun ei thilthaw iengkim, a ruka ei thawhai khom, a sie a tha ang peiin, ei chungah ro a rel ding a ni si a.

---

←  Ecclesiastes (12/12)