| ← Ecclesiastes (11/12) → |
| 1. | Tui chungah i bei pei rawh,Ni iemani zat hnunga chun,I hmu nawk ding a ni si a. |
| 2. | I neihai chu sem dar rawh,Hmun sarih, hmun rieta khom,A ram chungah sietna ieng am,A tlung ding ti i hriet si nawh. |
| 3. | Sumin tui a pai rawn chun,Hnuoi chungah ruo a sur hlak.Thing chu sim tieng am hmar tieng,A khaw tieng khom tlu sien la,A tluknaah a zal hlak. |
| 4. | Thli poisatu tu khomin,Thlai chi thlak ngai naw ni a,Sum ringot thlir hlaktu chun,Sik ding nei ngai bok naw nih. |
| 5. | Thli lampui i hriet naw a,Sula nau insieng dan khom.Chuong ang bokin Iengkim Siemtu, Pathien thilthaw i hriet thei nawh. |
| 6. | Zing tieng leh thlaichi thlak la,Zan tieng khom chawl chuong naw rawh,A ieng tak am a puitling ding,Nangin i hriet thei si nawh,An puitling vong khom a ni thei. |
| 7. | Var chu a mawi a,Nisa hmu khom a hlimum. |
| 8. | Ieng chen khom mihriem dam sien,Hlim takin hmang vong raw se. Sienkhom, inthimna hun khom,A tam dingzie hre raw se. Iengkim la hung dinghai khom,Iengma lo vong a ni si a. |
| 9. | Thalaihai, vang lai chenin,In lungril chu hlim raw se.In lungril nuom zawng zuiin,In thaw nuom nuom chu thaw ro.Sienkhom in thaw ang peiin,Pathien khomin in chungthu,Rel a tih ti hre zing ro. |
| 10. | In lungrila lungkhamna,In taksaa borsawmna,A rengin hlip thla vong ro,n that lai ni a tawi si. |
| ← Ecclesiastes (11/12) → |