←  Daniel (12/12)    
1. "Chu huna chun i mihai veng hlaktu hotu ropui tak Mikael chu hung suok a tih. Hnamhai an uma inthoka la tlung ngai lo buoina nasa tak tlung a tih. Chu huna chun, I mihai, lekhabua hming chuong taphothai ruok chu san himin um an tih.
2. Hnuoi pilvuta zal tah mi tam tak chu hung tho an ta, thenkhat chu chatuon hringna chang dingin tho an ta, thenkhat ruok chu inzakna le chatuon muolphonaah lut an tih.
3. Mi varhai chu vana var angin eng an ta, felnaa mi tam tak thuoi luttuhai chu arasi angin chatuonin var tang an tih.
4. Sienkhom aw nang Daniel, thu ziekna bu chu ziel la, tawpna hun a tlung chenin char tlat rawh. Hre nuomin mi tam tak tlan vel ruoi an ta, hrietnag pung phang a tih" a ta.
5. Chun, kei Daniel chun ka hang en a, ka hmaa chun vakam tuoka mi pahni ngir ka hmu a.
6. Vadung hnar tienga um puon zai inhmia inthuom kuoma chun pakhatin, "Hieng thilmakhai tlung kimna ding hin kum ieng zat am la ngai a ta?" a ta.
7. Puon zai inhmia inthuom, va hnar tienga um chun a kut chang tieng le voi tieng chu van tieng a phar a, chatuona hring hming chu salin, "Hun khat, hun hnih, hun chenve sungh ning a tih. Pathien mihai sukdudana a tawp pha leh hieng thil po po hi hlen kim ning a tih" a ta.
8. A tong ri chu ka hriet a, a umzie ruok chu ka hriet nawh. Chuleiin, "Ka lalpa, hieng po po tawpna chu iem ning a ta?" tiin ka'n don a.
9. Ama chun, "Daniel, fe ta rawh, thuhai chu a tawp hun chena dinga char a ni tah.
10. Mi tam tak thlit fim le sukthieng le fai vara siem ning an ta, sienkhom mi rilohai chu rilo zing an tih. Mi rilo tu khomin hre thiem thei naw ni hai a, mi varhai ruok chun hre thiem an tih.
11. Ni tina pumraw thilhlan suktawp a nia inthoka sukrautu tirdakum sie a hung ni hun inkarah ni sangkhat le zahni le sawmkuo tlang a tih.
12. Nghak hram hram a, ni sangkhat le zathum le sawmthum le panga nghak tlungtu chu a eng an thawl.
13. Nang chu a tawp chenin fe pei rawh. Chun, chawl i ta, i nihai tawpna a tlung pha leh i rochana ruot chu dong dingin tho nawk i tih" a ta.
←  Daniel (12/12)