←  Amos (8/9)  →

---

1.

Lalpa PATHIEN chun inlarna a mi'n hmutir nawk a. Theihmina sip bawm ka hmu a.

2.

Ama chun, "Amos, ieng am i hmu a?" a ta, kei chun "Theihmin umna bawm" ka ta. LALPA chun ka kuomah, "Ka mi Israelhai tawp hun ding chu a tlung ta a; tu khom hla nei ta naw ning" a ta.

3.

Lalpa PATHIEN chun, "Chu ni chun Tempula chawibiekna hla chu lusun hlaah inchang a ta, hmun tinah mithi ruong deng dar pheng phung an ta, siksikrieu inhram a tih!" a ta.

4.

Nangni, mi pasiehai sirde a,Tlasamhai fa hlum nuomtuhai,Hi thu hi lo ngaithla ro.

5.

Nangni chun nghakhla takin,"Thla thar kut bo vat vat sien,Bu zor kar nghakhla a um tah.Chawlni hi bo vat vat sien,Beiphit zor kar nghakhla a um.Inkhina chin hmang ei ta,A man tieng sukpung ei ta,Bukna lem hmangin hlem ei tih.

6.

Busi le rut pol zor ei ta,Tangkain mi rethei inchawng ei ta,Tlasam chu holrok bun khatin,"Tiin in lungrilin in ti hlak.

7.

LALPA chun, "An thilthawhai kha theinghil nei hrim hrim nawng ka tih" tiin Jakob Suongtawlol chun mani insalin thu a'n kham a.

8.

Hi lei hin a ramah lir inhningtirin,A sunga chenghai po po khom,Ka sukthlaphang naw ding am a ni? Aigupta ram chunga Nile vadungpui,A liena a kiem nawk duok angin,Ram pum chu insangin tlum a tih.i

9.

Lalpa PATHIEN chun a hril:"Chu ni chun sunchang lai tak,Nisa intlaktir ka ta,Sun pachang lai zing siin,Hnuoi hi hung inthim a tih.j

10.

Kuta in ruoi thehai chu,Ruokngha ruoiah inchangtir ka ta,In hla sakhai po po khom chu,Tap hlaah inchangtir ka tih.Saiip insiltir ka ti cheu a,In lu vaw kol vong ka tih. Nau mal sun ang topa rinumin,In ni chu kha takin inliemtir ka tih."

11.

Lalpa PATHIEN chun a hril:"Ram puma tam ka tir ding ni chu,A hung tlung mek zing a nih.Chu chu bu tienga tamna amanih,Tuia dangcharna amanih ni loin,LALPA thu hriet chaka tamna a nih.

12.

LALPA hriet chaka zongin,Tuifinrieta inthoka tuifinrietah,Sim le hmarah tlan vel an ta,Sienkhom hmu zo naw ni hai.

13.

" Nunghak tlangval tha hrat lai khom,Dangcharin thidang an tih.

14.

Samaria milem hming saltuhai le'Aw Dan, i pathien hringna salin' 'Beersheba pathien hringna salin'Tia inkhamtuhai chu tlung an ta,Tho nawk ta ngai naw ni hai".

---

←  Amos (8/9)  →