Amos (6/9)  

1. Zion-a ngai ngam taka khawsa,
2. Kalne-ah fe unla, va en ta u;Chu zoah Hamath khaw ropuiah;Chu taka inthokin Filistin ram,Gath khuoa chun fe thla ro. Israel ram le Judai ram nekin,An changkang lem am a ni?In ram nekin a lien lem maw?
3. Sietna ni ding chu sie hla siin,Thilthawin buoipui in pot hnai a.
4. Saihaa chei khumah zalin,Thungna nemah inzam kuolin,Beram te le bawng tuoi thau thau,A'n hnik hnikin ruoi in the a.
5. Davida anga tingtang keiin,Mani hla in insiem chop a.
6. Nopui ngata uoiin dawnin,Hriek tha tawpin in inchul a. Josefaf siet tuokna ruok chu,In invoi ve hrim hrim nawh.
7. Chuleiin, sala fe hmasahai ruolin,Nang khom salah fe veng i ta,Ruoi kila in inri bung bung kha,Suktawpin um tang a tih.
8. Iengkim LALPA chun hming salin,Hieng ang hin a hril a nih:"Jakob chapona chu ka ten a,A lal in thahai ka theida a,Khawpui le a sunga um po po,An rengin immantir ka tih," Ti hi Iengkim Pathien thu suok a nih.
9. In khatah mi thi bang sawm,An maksan a lo ni khomin,An rengin thi tho tho an tih.
10. Laina ruong inhlawmtuhan,In sungrila intomhai kuomah,"A dang khom an la um am?"Tia an hung indon phaa,"An um ta nawh" titu chun,"To rawh, LALPA hming lam pal ei tih" Tiin a la hril ding a ni si a.
11. LALPA chun thu a pek a,"In ropui chu nor chim unla,In te chu nor phit vong ro.
12. Lungpui khokrokna hmunah,Sakor a tlan hlak am a ni?Chu taka chun bawngchalin,Lo a kei ngai hlak am a ni?Nangnihai rorel ruok hi chu,Indikna chu thina turah,Felna chu khaknaah in inchangtir si.
13. Log Debar in hne kha suongin,"Karnaim khuo la thei khopin,Ei hrat a nih" in tih an naw?
14. "Aw nangni Israel sungkuohai,A do ding cheu hnam chok tho ka ta,Hamath kawn le Arabah ruom chena,Mihai po po chu neksawr an ti cheu"LALPA, Iengkim Pathienin a tih.

  Amos (6/9)