←  Amos (5/9)  →

---

1.

Nangni Israel sungkuohai,Hi thu hi lo ngaithla ro,Nangni sunna thu a nih:

2.

"Nunghak thienglam Israel chu,Tho nawk ta lo di'n a tlu ie!A ramah maksanin a um a,Kei thotu hrim a nei nawh."

3.

Lalpa PATHIEN chun a hril:"Israel khawpuia inthokaIndoa fe sipai sang khat lai,Za khat chauh kir nawk an ta,Za khat fe suokhai lai khom,Mi sawm chauh hung kir an tih"

4.

Israel sungkuohai kuomah,LALPA chun hieng hin a hril:" Mi zong unla, dam in tih.

5.

Bethel-ah mi zong naw unla,Gilgalah fe bok naw unla,Beerseba khom pan naw ro.Gilgal mihai chu salah man an ta,Bethel khuo chu sukram an tih."

6.

LALPA zong ro, dam in tih.Chuong anga in thaw naw chun,Josefa in sungah mei suok a ta,Bethel kang hmang vong a ta,Mei theltu nei naw ni hai.

7.

Hlei nei taka ro rel a,Thu dik hnuoia peituhai,In du la hmu ngei in tih.

8.

Siruk le sizucho hai siemtu,Thim khom zing khawvara inleta,Var khom zana inchangtirtu,Tuipuia tuihai chu ko a,Hnuoi chunga buok hlaktu hi,A hming chu LALPA a nih.

9.

Mi hrathai a suktlawm a,An kulhai a sukchim hlak.

10.

Indik taka roreltu chu theidain,Thu dik hriltu cheu in hmusit si.

11.

Pasiehai in sirde a,An buhai in inchu thlakpek a.Pakka in ropui in bawla chu,Chu taka chun cheng naw ti niu;Grep huon tha in siema chu,A uoiin chu dawn naw ti niu.

12.

Poi in tawk rawn takzie hai,In suolziehai ka hriet vong.Mi indik in sukduda a,Thamna lak in ching bok a,Pasiehai chu rorelnaah,Thiem naw in inchangtir hlak.

13.

Chuleiin mi fimkhur chun,To an inchu a ni hih,Hun tha naw lai a ni si a.

14.

Suol ni loin thil tha hnot ro,In dam khawsuok theina dingin;Chuongchun in hril ang hrimin,LALPA, Iengkim Pathien chu, In kuomah um zing a tih.

15.

Suol theidain, thil tha dit unla,Rorelna fel kengkaw ro,LALPA, Iengkim Pathien chun,Josefa thla dam sunhai chu,A lunginsiet thei takduoiin.

16.

LALPA Iengkim Pathien,LALPA chun hieng hin a tih:"Kotthler tinah tap khek an ta,Tuolzawl tinah inrum an tih.Loneituhai chu tap ding leTap thiemhai chun lusun hla,Inzawt dingin ko khawm an tih.

17.

Grep huon tinah tap an tih,Ka pal tlang ding a ni si a"Ti hi LALPA thu chu a nih.

18.

LALPA ni nghaktuhai chung chu,A va hang pik char char ngei de!Ieng leia LALPA ni chu,In nghak hrim hrim am a na?Chu ni chu var loin inthim a tih.

19.

Sakeibaknei laka tlan suokin,Savom a'n tuokpui ang el le,Mani inah lut a, bang hang tawk a,Rulin a lo chuk ang hi a nih.

20.

LALPA ni chu var ni loin,Inthima khom thim sa tak el,Var zung hrim a lut nawna,A ni ding an naw am a ni?

21.

In kut hmanghai po po hi,Theidain ka hmu dong a,In inkhawmpui ropuia hai khom,Lawmna hrim ka nei ta nawh.

22.

Pumraw inthawina thilhlanhai,Bu le bal thilhlanhai chu,In hung chawi a ni khomin,Lo pompek nawng ka ti cheu.Ran thau in inhlanhai khom,Ienga ding khom ka ti nawh.

23.

In hla sak ri ka ngai pei nawh,In tingtang tum ngaithla naw ning.

24.

Sienkhom rorelna indik chu,Vadung angin luong sienla,Tui hnar kang lo vadung angin,Felna chu luong dem dem raw se.

25.

Aw Israel sungkuohai,Thlalera kum sawmli sung,Ka thuoi sung po po cheu khan,Inthawina le thil inhlanhai,In mi hung chawipek hlak maw?

26.

In milem, lala inko Sakut le,In arasi pathien Kaiuan hai chu,An tempulhai leh in som pei a.

27.

Chuleiin Damaska khaw khelah,Salah ka thuoi ding cheu a nih"Ti hi LALPA thu suok a na,A hming chu Iengkim Pathien a nih.

---

←  Amos (5/9)  →