| ← Amos (4/9) → |
| 1. | Basan bawngpui anga thau,Samaria tlanga cheng nuhai,Pasiehai neksawrtu, tlasamhai sirdetu,Mani pasalhai tir kalang a,"Dawn ding hung la rawh" tituhai,Hi thu hi lo ngaithla ro. |
| 2. | Lalpa PATHIEN ngei chun,A thienghlimna sala intiemin,"Thir kuoia ka kei hun cheu,A la tlung ngei ding a nih;A mong dapa thanghai lem chu,Ngakuoiin hnuk dok ka tih. |
| 3. | Kul bang pop hnaina takah,La thuoi suok an ti cheu a,Harmon-ah khal khawm an ti cheu"Ti hi LALPA thu suok a nih. |
| 4. | "Bethelah hungin suol thaw unla,Gilgalah fein suol zuol sauh unla,Tuk tin inthawi zie unla,Ni thumd danah sawma pakhat pe unla. |
| 5. | Lawmthu hril inthawina dingin,Chol thang bei inhlan unla,Mani lungpuoka in inhlanhai chu,Aw Israelhai, uongpui ro khai,In thaw chak zawng tak a ni si,"Lalpa PATHIEN chun a tih. |
| 6. | "Khaw tinah tam ka'n tlaktir aeKhaw tinah fak ding a um naw a,Chuong anga thil a tlung khom chun,Ka kuom tieng in kir chuong nawh"Ti hi LALPA thu suok a nih. |
| 7. | "Bu sik hun thla thum a la bakin,Ruo sur ding ka chel tang a,Khaw khatah kan surtir khomin,Khaw dangah ka chel tang a;Lo pakhatin ruotui a hmu a,Pakhat dang chu a tawl bor bor a. |
| 8. | Tui nei ve lo khuohai chu,Dawn ding zongin an inmai a,Khaw hrang hrangah an tlan a,Sienkhom khopkham an hmu nawh.Chuonga thil a tlung khom chun,Ka kuom tieng in kir chuong nawh"Ti hi LALPA thu suok a nih. |
| 9. | "Tlolna le hmuornain voi tam,In lo le grep huonhai ka hrem a,In theichang le oliv kunghai,Thil ngein ka'n faksiettir a,Chuonga thil a tlung khom chun,Ka kuom tieng in kir chuong nawh"Ti hi LALPA thu suok a nih. |
| 10. | "Aigupta chunga ka thaw angin,In chungah hripui ka'n lengtir a,In thalaihai kawlhnamin ka that a,In sakorhai ka manpek cheu a.Riebuka in mithi hmon rimin,In hnar ka urpek hrep cheu a,Chuonga thil a tlung khom chun,Ka kuom tieng in kir chuong nawh"Ti hi LALPA thu suok a nih. |
| 11. | "Sodom le Gomora ang khan,A then chu ka hrem cheu a,Thuka thingthu hring angin,A then ka pot suok cheu a,Chuonga thil a tlung khom chun,Ka kuom tieng in kir chuong nawh"Ti hi LALPA thu suok a nih. |
| 12. | "Chuleiin aw Israel,I chungah thil tha lo tak,Ka thaw ding a ni leiin,Aw Israel, i Pathien chu,Hmason dingin inpei rawh." |
| 13. | Tlanghai hung indin suoktu,Thlihai khom inumtirtu,Mihriem kuoma a thu puongtu,Zing khawvar khom sukthim a,Tlang sanghai sir de theitu chu,LALPA, Iengkim Pathien a ni si. |
| ← Amos (4/9) → |