← Amos (2/9) → |
1. | LALPA chun hieng hin a tih:"Moab suolna pathum leiin,A nih, a suolna pali leiin,Ka lungsen kei kir naw ning,Edom lalhai ru po po chu,Chinai lung ang ela a raw leiin. |
2. | Moab-ah mei insuoktir ka ta,Keriot kul chu kang vong a ta,Buoina rapthlak tak suok a ta,Indo ri le tawtawrawt ri karah,Moab chu suksietin um a ta, |
3. | Roreltu chu sukhlum ka tih,A milienhai po po leh"Tiin LALPA chun a hril. |
4. | LALPA chun hieng hin a tih:"Juda suolna pathum leiin,A nih, a suolna pali leiin,Ka lungsen kei kir naw ning,LALPA dan chu an hnawl a,A thupekhai an vong naw a,An pi le puhai milem pathienin,Anni chu a thuoi hmang leiin. |
5. | Judai ramah mei tir ka ta,Jerusalem kul kang hmang a tih." |
6. | LALPA chun hieng hin a tih:"Israel suolna pathum leiin,A nih, a suolna pali leiin,Ka lungsen kei kir naw ning,Mi felhai tangkaruoin an zor a,Mi retheihai holrok pheikhokin. |
7. | Hnuoia pilvut ang topin,Pasiehai lu an sir sop a,Neksawrhai an thlei bik a,Pafain nunghak an intawm a,Ka hming thienghlim an sukporche. |
8. | An dakham lak silpuon silin,Maicham bul tinah an zal a,Mi an inchawitir uoiinhai chu,An Pathien inah an dawn hlak. |
9. | "An hmaa um Amor mihai,Sidar thing anga insang leSaisuo thing anga detdohai chu,Keiman ka sukboral a,An ra le zung ka sukhlum. |
10. | "Aiguptaa inthoka la suokin,Thlalerah kum sawmli thuoiin,Amor-hai ram ka pek cheu a. |
11. | In nauhai lai zawlnei ding,In tlangvalhai lai Nazaritb ding,Ka ta dingin ka ruot tawl kha.Aw nangni Israel thlahai,Chuong ang chu in ni naw maw?" Ti hi LALPA thu suok a nih. |
12. | Sienkhom Nazarit mihai chu,Uoiin dam in indawntir a,Zawlneihai khom thu hril lo dingin,Khapna thu dam in pek hlak si. |
13. | "Bu rik tak phur tawlailirin,Thil a chil nawi riep angin,Ka chil nawi ding cheu a nih. |
14. | Tuonrang tlan suok naw ni a,Mi hrat thain zo naw ni a,Pasaltha khom insanhim naw nih. |
15. | Thal kaptu che hman naw nih,Ngal hrat tlan suok bok naw nih;Sakor chungchuong mi khomin,A hringna hum bik naw nih. |
16. | Chu ni chun mi huoi tak khom,Saruokin tlan hmang a tih"Ti hi LALPA thu suok a nih. |
← Amos (2/9) → |