Amos (1/9)  →

---

1.

Juda lal Uzia inlal lai le Israel lal Joas (Jehoas) naupa Jeroboam inlal lai, lir inhning hma kum hniah, Tekoa beram vengtuhai laia mi pakhat Amos chun Israel chungchang thuah inlarna a hmu a, hieng ang hin a hril a:

2.

"LALPA chu Zion-a inthokin,Inring takin a khek a,Jerusalema inthokin rawl a'n suo:Beram tlatna hmunhai a tawl vong a,

3.

LALPA chun hieng hin a tih: "Damaska khaw suolna pathum leiin,A nih, a suolna pali leiin,Ka lungsen kei kir naw ning, Bu chilna thirkut zum hmanga,Gilead mihai a zei hrep leiin,

4.

Hazael inah mei tir ka ta,Ben Hadad kul kang vong a tih.

5.

Damaska kotkhar suksieng ka ta,Aven ruoma lal chu sukhlum ka tih;Beth Eden-a lal hmol cheltu chu,Sukbohmang bok ka ta,Aramhai chu sala intang dinginKir tieng thuoi hmang an tih,"Ti hi LALPA hril a nih.

6.

LALPA chun hieng hin a tih:"Gaza suolna pathum leiin,A nih, a suolna pali leiin,Ka lungsen kei kir naw ning,An rengin salah a man a,Edom kuomah a zor si a.

7.

Gaza kulah mei tir ka ta,A kulhai kang hmang a tih.

8.

Asdod lal sukhlum ka ta,Askelona lal hmol cheltu khom.Ekron chungah kut inlet ka tih,Filistinhai an thi vong chenin,"Chunghnungtak LALPAN a tih.

9.

LALPA chun hieng hin a tih:"Tura suolna pathum leiin,A nih, a suolna pali leiin,Ka lungsen kei kir naw ning,Unauna thuthlung bawsein,A manhai chu salah a zor si.

10.

Tura kulah mei tir ka ta,A kulhai kang hmang a tih."

11.

LALPA chun hieng hin a tih:" Edom suolna pathum leiin,A nih, a suolna pali leiin,Ka lungsen kei kir naw ning,A unaua kawlhnama hnot a,Lunginsietna nei der lo a,A lungsenna inchoktir zing a,Sukmit loa a'n hlaptir zing leiin.

12.

Temana chun mei tir ka ta,Bozra kul kang vong a tih."

13.

LALPA chun hieng hin a tih:"Amon suolna pathum leiin,A nih, a suolna pali leiin,Ka lungsen kei kir naw ning,A ram zauh nuom lei ringotaGilead nuhmei nau pai lai,An phing a dawt thler leiin.

14.

Raba kul chu rawng ka ta,Indona ri so chur chur leThawngaleivir hrang karah,Kulhai chu kang vong a tih.

15.

An lal salah man an ta,A khawnbawlhai leh thuoi an tih"Tiin LALPA chun a hril.

---

Amos (1/9)  →