←  Acts (28/28)    
1. Him taka kan kai hnung chun chu thlierkar hming chu Malta a nih ti kan hriet tah a.
2. A ram mihai chun an mi lo lunginsiet em em a. Ruo a sur lei le a dei em leiin meipui an sem a, kan rengin an mi lo lawm a.
3. Paulan thing tel khat an khawm a, meiah chun a buk a, a sat leia rul hung suok chun a kutah a zem a.
4. Chu taka mihaiin a kut rulin a zem an hmu chun, "Hi pa hi thuolthat a ni phot el, tuipuia inthokin tlan suok sien khom, indik taka Roreltu chun a dam a phal naw a ni hi" an ta.
5. Nisienlakhom, Paula chun rul chu meiah a thin thlak a, ieng khom a ti naw a.
6. Anni chun a'n vung nghal an naw leh kar loah tlu a, a thi nghal an ring a. Sawt fe an nghak a, ieng khom a ti nawh ti an hmu chun an lungril an thlak a, "Pathien a ni hi" an ti nawk thung a.
7. Chu hmun kawl ela chun thlierkar lal Publia hmun le ram a um a. Ama chun a mi lo lawm a, ni thum zet lawm takin a mi'n tlungtir a.
8. Publia pa chu khawsik le santen invoia khumbet a lo ni a. Paulan a va en a, a luah kut a'n nghat a, a tongtai a, a sukdam tah a.
9. Chu hnung chun chu thlierkara mi dang natna nei taphot chu an hung a, an dam tah a.
10. Anni chun nasa takin an mi chawimawi a, kan inzin peina dinga kan mamaw taphot khom longah an sie a.
11. Chu thlierkara thlasik sung po cham tah Aleksandria khaw longa chun chuongin thla thum hnungah kan inthok suok nawk a. Chu long hming chu 'Pathien Phir'g a na, an pathien Kastor le Polluka lim a chuong a.
12. Surakus khuo kan tlung a, ni thum kan cham a.
13. Chu taka inthok chun Rhegium kan tlung a. Ni khat hnungah sim thli a hung hrang a, a zingah Puteoli khuo kan tlung a.h
14. Chu taka chun unauhai kan hmu a, an kuomah kar khat cham dingin an mi thlo a. Chuong ang peia inzinin Rom khuo chu kan tlung tah a nih.
15. Rom khuoa unauhai chun kan chanchin an hriet charin 'Appia Dawr' le 'Khuolbuk Pathum' chen mi tuok dingin an hung a. Paulan anni a hmu chun lawmthu a hril a, a thla a muong pha sot a.
16. Rom khuoa kan lut chun Paula chu vengtu sipai pakhat leh in hrana a um an phalpek a.
17. Ni thum hnunga chun Paulan chu taka Juda hotuhai chu a ko khawm a, an hung chun an kuomah, "Unauhai, ei mihai chung amanih le ei thlatuhai Dan kalin amanih ieng khom thawsuol ka nei naw sa khomin Jerusalemah an mi man a, Rom sorkar kutah an mi pek a.
18. Anni chun an mi dawp a, thina khop ieng khom ka thaw an hmu naw leiin mi'n suo an tum a.
19. Nisienlakhom, Judahaiin an kal tlat leiin Kaisar hmaa intlun lo thei loin an mi siem a; sienkhom hi hi ka chipuihai hekna dinga ka thaw a ni nawh.
20. Chuleiin, hmu le biek cheu nuomin ka ko khawm cheu a nih; Israelhai lo beisei hlak Mesia lei khan khaidiet ka bun a ni hi" a ta.
21. Anni chun, "Judai rama inthokin i chanchin hrilna lekha ieng khom kan hmu naw a, unauhai lai i chanchin a tha tieng amanih a se tieng amanih hril dingin tu khom an hung bok nawh.
22. Hi pawl hi hmun tinah mi hrilsiet kan hriet a, i ngaidan khom hriet kan nuom" an ta.
23. Chuongchun, ni an ruot a, chu ni chun a umna inah mi tam takin an hung pan a, zingkara inthoka zan chenin Pathien ram thu a hril a, Mosie Dan bu le zawlneihai lekhabua inthokin anni chu Isu chungchang thu inawitir tumin an lungril inhmin a tum a.
24. A thenin a thu hril chu an ring a, a thenin an ring naw a.
25. An thu a khuongruol ta naw leiin Paulan hi thu hi a hril a, an tin ta diel a. A thu hril chu, "Thlarau Thienghlimin zawlnei Isai baua ei thlatuhai kuoma a hril,
26. 'Hi chihai lai hin fein hril rawh: Ngaithla rop in ta, a ngaina hre si loin, Hmu rop in ta, hmu fu si loin;
27. Hi chihai lungril hi a chawlol tah a,An na an sukset a,n mit a'n insim bok a;Ni naw sien chu mitin hmung an ta,Nain ngaithlang an ta,Lungrila manin ngha kir an ta,Ka lo sukdam tawl awm si'iti kha a lo hril indik ngot el.
28. Chuongchun, Pathien sandamna chu Jentelhai kuomah pek a nih ti hi lo hre ro. Anni chun ngai khom ngaithlang an tih" a ta.
29. Hi hi a hril zoin Judahai chu nasa taka inselin an suok tawl tah a.j
30. Paula chu kum hni pum hlum ama in hluoa chun a um a, a kuoma hung leng taphot a lo lawm a.
31. Pathien ram thu a hril a, Lalpa Isu Krista thu chu huoi takin an chuktir hlak a, tu khomin an khap si nawh.
←  Acts (28/28)