3John (1/1) |
1. | Upa chun, dittak Gaia, thutaka ka hmangai chu, chibai ka buk. |
2. | Ruol dit tak, iengkimah i hmuingila, thlarau tieng le taksa tienga i dam le hrisel theina dingin ka tongtaipek hlak che. |
3. | Unauhai an hung a, thutaka i ringumzie le i um tlatzie thu an mi hril a, ka lawm takzet a nih. |
4. | Thutaka ka nauhai an um ti ka hriet neka lawmna nasa lem hrim ka nei nawh. |
5. | Ruol dit tak, hieng unauhai hi mikhuol khom ni hai sien an chungah i lo tha em em a, |
6. | Kohran hmaa khom i thatzie an hril a. An inzinna lamah anni hi Pathien mihai thaw dan awm hrima i lo thangpui thei chun tha hleng a tih. |
7. | Hming leia inthok suok an ni a, Jentelhai kuoma inthokin ieng khom an lak nuom nawh. |
8. | Chuongchun, thutak ta dinga thaw tlang ei nih ti ei hriet theina dingin eini chun hieng mihai hi ei thangpui ding a nih. |
9. | Kohranhai kuoma khan lekhathon ka ziek tah a, nisienlakhom Diotrefa, anni laia hotu taka um thlakhlatu khan ka thu a poisa nawh. |
10. | Chuleiin, ka hung pha chu a chet dan, thil rapthlak tak tak thawa a mi hril thang danhai chu hril vong ka ti cheu. Chu chauh khom chu ni loin, unauhai a lo lawm naw a, a lawm nuomhai khom a khap a, kohrana inthokin a hnotsuok tawl a nih. |
11. | Ruol dittak, a tha naw chu enton nuom naw la, a tha chu enton lem rawh. Thil tha thawtu chu Pathiena suok a na, thil tha naw thawtu chun Pathien a hmu ngai nawh. |
12. | Demetri hi mi tinin an inpak a, thutaka khom inpak a hlaw hrim a, keini khomin kan inpak a, kan inpakna chu a'n dik ti i hriet. |
13. | I kuomah thu tam tak hril ding ka neia chu lekha le lekhatuia ziek ka nuom nawh. |
14. | Hmu vak che ka beisei a, inhmatonin ei la hril ding annawm. Thlamuongna i kuomah um raw se. Hi taka ei ruolhai hin chibai an buk che. Ei ruolhai kha an hming lam sengin chibai mi hung bukpek rawh. |
3John (1/1) |