←  2Samuel (9/24)  →

---

1.

Chun, Davida chun, "Jonathan

2.

Saula sunghai siehlaw pakhat, a hming chu Ziba a um a, ama chu Davida hmaa inlang dingin an ko a. Lal chun, "Nang hi Ziba chu i ni maw?" a ta, ama chun , "Ni e, kei i siehlaw hi" a ta.

3.

Lal chun, "Pathien ditsakna ka'n entir theina dingin Saula sungkuo laia mi a dam an la um am?" a ta. Ziba chun lal kuomah, "Pu um e, Jonathan naupa a la um a, sienkhom ke khing hnia inbai a nih" a ta.

4.

Lal chun, "Khaw lai am a um?" a ta, Ziba chun, "Lo Debar khuoa Amiel naupa Makir inah a um" a ta.

5.

Lal Davida chun ama chu Lo Debar-a Amiel naupa Makir ina inthok chun a va'n thuoitir a.

6.

Saula naupa Jonathan naupa Mefiboset chu Davida kuomah a hung a, a hmaa chun inza takin a kun a. Davida chun, "Mefiboset" a ta, ama chun, "I siehlaw hi ka um" a ta.

7.

Davida chun, "Ti naw rawh, i pa zarin ditsakna inentir ngei ngei ka ti che. I pu Saula ram po po inneitir nawk ka ti che a, ka dawkanah thlaithleng i kil rop ta ding a nih" a ta.

8.

Mefiboset chu a kun a, "I siehlaw hi ieng am a na, ui thi sa ang chauh keima ang i mi hang ngaisak nuom el chu?" a ta.

9.

Chuongchun, lal chun Saula siehlaw Ziba chu a'n kotir a, a kuomah, "Saula thil po po le a sungkuohai thil po po chu i pu naupa hi ka pek vong a nih.

10.

I pu naupa chun fak a hmu theina dingin a ta dingin nang le i naupahai le i siehlawhaiin a lo inletpek ro. I pu tupa Mefiboset chun ka dawkanah thlaithleng ot zing tang a tih" a ta. Ziba chu naupa sawmpanga le siehlaw sawmhni nei a ni tah.

11.

Ziba chun lal kuomah, "Ka pu, lalin i siehlaw kuoma thaw dinga i pek taphot chu i siehlaw hin thaw ngei ngei a tih" a ta. Chuongchun, Mefiboset chun lal naupahai angin lal dawkanah thlaithleng a kil ve ta a.

12.

Chun, Mefiboset chun nau pasalte, a hming Mika a nei a, Ziba ina um po po chu Mefiboset siehlaw an nih.

13.

Mefiboset chu Jerusalemah a um a, lal dawkanah thlaithleng a kil hlak a, ke khing hnia inbai a nih.

---

←  2Samuel (9/24)  →