←  2Samuel (22/24)  →
1. A hmelmahai po po kuta inthok le Saula kuta inthoka LALPAN a san suok leiin Davida chun LALPA kuomah hi hla hi a sak a:
2. LALPA chu ka suonglungpui,Ka kulpui le sanhimtu,
3. Ka Pathien, ka suonglungpui,Ka'n bikna hmun le ka phaw,Mi'n tlantu ki hreu a nih.Ama chu ka kulpui nghet,Ka'n bikna le ka himna,Pawngnektuhai laka inthok,Mi san himtu chu a nih.
4. Inpak tlak LALPA ka ko a,Hmelma lakah a mi humhim.
5. Thina tuifawnin a mi'n huol,Sietna tuiin a mi chim vel;
6. Thlan hruolhruiin a mi vet a,Ka hmasuon thina chang a nih.
7. Lungzingin LALPA ka ko a,Ka Pathien thangpuina ka ngen;A tempula inthokin a hriet,Ka tap riin a na a tlung.
8. Hnuoi inhningin a'n thin a,Tlang thuthai chen an inhning a,A lungsen leia inhning a nih.
9. A hnarah meikhu a suok a,A baua chun kanghmang thei mei,Chokin a'n hlap puot puot a.
10. Van kei kurin a hung tum a,Sum dum chungah a ngir a,
11. Cherub chungah a chuong a,Thli chu thla zara hmangin,Hrat takin a hung vuong a.
12. Tuomtuah thim a hmang a,Sum tui pai inthim khup chu.
13. Ama vara inthok chun,Kawl a hung inphe zuoi zuoi.
14. LALPAN vanriel inrumtirin,Chunghnungtak rawl a thangkhawk.
15. A thal chu a hang kap a,Hmelmahai an tlan dar a,Tek a'n tlaktir dum dum a,Anni chu a hne zo tah.
16. Aw LALPA, hnar hnit meu a,I hang hrawk tawl takzet chun,Va tuonghai inlang rawtin,An hung kang zo ta vong a,Hnuoi thuthai khom a'n lang tah.
17. Chunga inthok mi zuk banin,A kutin a mi chel a,Li-a inthok a mi lak suok;
18. Hmelma hrat le doral hranghai,Ka cho ruol lo kuta inthokin,A mi san suok tah a nih.
19. Siet tuok lai mi bei sienkhom,Mi santu chu LALPA a nih.
20. Hmun thawvengah a mi'n nghat a,Ka chungah a lawm leiin,A mi san suok tah a nih.
21. Ka'n dikna phuin lawmman,LALPAN a mi siempek a, Ka kut a fai ang phuin,Ama chun a mi rul hlak.
22. LALPA ditzawng ka vong a,Pathien invak hmangsanin,A kal zawng ka thaw ngai nawh.
23. Ka hmaah a dan ka sie,A thu ka bawsiet ngai nawh.
24. A hmaa dem kai lo din,Suol lakah ka'n thier fihlim.
25. Ka'n dikna ang phu peiin,A mit hmuah poi ieng khom,Ka tawk ve ngai naw leiin,LALPAN lawmman a mi pek.
26. Ringum lakah i ringum,Mi fel lakah i fel fai,
27. Thienghlim lakah i thienghlim,Mi kawi lakah i khir bok.
28. Inngaitlawmhai i san a,Meng sanghai i suktlawm hlak.
29. Ka khawnvar i nih, Aw LALPA,LALPA chun keimaa thim chu,A mi sukvarpek hlak si.
30. I thang chun ral ner ka ta,Ka Pathien zarin an kul,Lawn kaiin lapek ka tih.
31. Pathien lampui a tha kim,LALPA thutiem a'n khel nawh,A beltu ta di'n phaw a nih.
32. LALPA naw Pathien tu am,Ei Pathien naw tu hrim am,Lungpui bel tlak an um a?
33. Hratna thaa mi'n thuom a,Ka lampui suktluongtu chu,Pathien hi a ni si a.
34. Sazuk zaper anga hrat, Zaper tha hrat mi pein, Hmun sang lerah him takin,A mi'n tlattir hlak si a.
35. Ka kut ral do a'n thiemtir,Dar thalngul ka kuoi kur thei.
36. Sandamna phawn mi pein,I kut changa mi chelin,I'n pha hnuoina lei chauin,Ropui ka hlaw pha hlak si.
37. Ka lam hraw i mi zaupek,Ka sir a'n tleu nawna din.
38. Ka hmelmahai ka hnot khel,Ka'n ram hma chun ka kir nawh.
39. Ka vuok thluk tawl, an op song, Ka bulah an tlu thal phung.
40. Raldo hrat di'n mi'n thuomin,Ka ralhai ka ke bulah,I'n bokkhuptir tawl si a.
41. Ka ralhai i mi'n hnottir a,Ka hmelmahai ka tukdol tah.
42. Santu koin an khek chul, Tu khom hlak an um si nawh;LALPA an ko, a don nawh.
43. Thli len thei pilvut angin,Anni chu ka rawt nawi a,Kotthlera chirhak angin,Ka sir sop tawl tah a nih.
44. Mihai lakah mi humin,Hnamhai luah i mi siem a,Ka hriet ngai lo hnam chen khom,Ka khuo le tui an hung ni tah.
45. Ka thu hrea zawm nghalin,Bokkhupin ram dang mihai, Ka hmaah an hung kun a,
46. An lungril a zam vong a,Kul a'nthok inthin pumin,An hung suok ta tham tham a.
47. LALPA chu a hring zing ie!Ka Lungpui chu inpak ro!Ka Sandamtu Pathien chun,Chawimawina chu chang raw se.
48. Phuba lapektu Pathien,Ka hnuoia hnamhai sietu,
49. Hmelma laka mi humtu,Ka hmelmahai chunga chun,Nangman i mi hlangkai a,Mi nunrawnghai laka chunNangin i mi san suok tah.
50. Chuleiin, hnam tin lai hin,LALPA i hming chawimawiin,I'n pakna hla sak ka tih.
51. A lal chu hnena ropui,Ama chun a'n changtir a,A hmangaina chuoi lo chu,A hriek nal Davida leA suon le parhai chungah,Kumkhuo'n inlangtir a tih.
←  2Samuel (22/24)  →