←  2Peter (3/3)    
1. Dittakhai, hi lekha hi in kuoma ka lekhathon voi hnina a nih. In hriet tah sa inhriettir non nawk ding cheu le in lungrilhai ngaituona thienghlima chok har dingin voi hnih zet ka hung thon cheu a ni hi.
2. Zawlnei thienghlimhai thu hril lawk le Lalpa le Sandamtu thupek, in tirkohaiin kha hmaa an hril tah cheu kha, hre zing ro.
3. Ni nuhnunga chun hmusittu, mani chakzawng ang peia khawsahai chu hung suok an tih ti hre hmasa ro.
4. Hmusit em emin, "A hung nawkna ding thutiem kha iem an ta le? Ei thlatuhai an thi zo tah a, thilsiem tan tira inthokin iengkim a la pangngai zing an naw maw?" tiin la cheksol an tih.
5. Vanhai khi tiena tlanga Pathien thua inumtir a nizie dam, hnuoi hi tuia inthoka tui hmanga inumtir a nizie dam,
6. tui bok chu letin khawvel hlui a chim a, a suksiet thu hai dam kha an theinghil lui a.
7. Pathien ngaisak nawtuhai chungthu rel hun le sukbohmanga an um nia meia raw fai dingin tuta vanhai le hnuoi khom hi Pathien thu bokin a la hla a nih.
8. Ka ruol dittakhai, hi thil pakhat hi theinghil naw ro: Lalpa ngaiah ni khat hi kum sangkhat ang a na, kum sangkhat khom hi ni khat ang a nih.
9. Lalpa chu a thutiem hlen kongah muongchang anga mi thenkhatin an ring angin a muongchang nawh. Tu khom bohmang lo a, mi po poin an suol sim a, a kuoma an kir a dit leiin nangni lakah a dawthei a ni chauh lem.
10. Lalpa Ni chu rukru angin hung tlung a tih. Chu ni chun ri rapthlak tak leh van khi bohmang a ta, a sunga um po po kang hmang a ta, hnuoi khom a sunga um po po leh kang fai a tih.
11. Hienghai hi chuong anga se vong ding an ni si chun, nangni rawi kha ieng am ni in tum a?
12. Pathien ni tiem nghakhla taka in Tlumte thlir zing lai hin mi thienghlim le Pathien tienga inhmang mi in ni ding a nih. Chu ni chun van khi meia raw hmang ning a ta, a sunga um po po khom intui ral vong a tih.
13. Nisienlakhom, eini nghak ruok hi chu Pathien thutiem, hnuoi thar le van thar, felna in chu a nih.
14. Chuongchun, dittakhai, hieng thil in nghak lai hin Pathien hmaa thienghlim le soisel boa um dingin theitawp insuo unla, ama leh inrem ro.
15. Lalpa dawtheina hi sandam in ni theina hun remchangah ngai ro. Pathienin varna a pek angin ka unaupa dittak Paula khomin hieng thu hi a ziek hlak a.
16. A thu ziek thenkhat chu hriet thiem el a'n tak a, ieng khom inchuk lo le mi nghet nawhaiin Pathien Lekha thu dang an ngai kawi ang bokin an ngai kawi a, anni le anni chungah sietna an intlungtir pha hlak a ni kha.
17. Dittakhai, nangni chun in hriet tah leiin fimkhur ro, chuong naw chun bawsetuhai suolnain thuoi hmang veng a ti cheu a, in nghet that lai hi tlu pal hlauh rawi in tih.
18. Ei Lalpa le Sandamtu Isu Krista hrietnaa dam, lunginsietnaa dam inthang lien pei ro. A kuoma chun ropuina tuta le chatuon chenin um raw se. Amen.
←  2Peter (3/3)