←  2Corinthians (9/13)  →
1. Mi thienghlimhai somdawlna sin hi in kuoma ziek a ngaiin ka hriet nawh.
2. Thangpui in inpei zing ti ka hriet a, Makedonia mihai kuoma khom suong takin, "Ni kuma inthok tah khan Akaia ramg chu an inpuocha tah" tiin ka hril hlak a, in thahnemngaina chun mi tam tak a chokhar a.
3. Hi thila hin ka'n pak thlawn nawna ding cheuin le ka hril ang ngeia in lo inbuotsai fel theina dingin unauhai hi ka hung tir a nih.
4. Makedonia rama mihai hi keini ruolin hung ve ta hai sien, in la'n pei fel nawh ti an hung hmu chun, kan ring em em vei cheu leh, in ta ding chauh ni loin, kan ta ding khomin inzak a um hle ding a nih.
5. Thawlawm thaw dinga in intiem ta sahai kha lo sukfel diem dingin unauhai hi hung tir hmasak tulin ka hriet a; in lo inpei hman tah chun in thilpekhai chu lak lui ang ni loa nangni thu ngeia in pek a nih ti inlang chieng a tih.
6. Tu khom a tu tlawm chun sik tlawm a ta, a tu tam chun sik tam a tih ti hi hre zing ro.
7. Mi tinin mani lungrila tum ang chu inro lo le thawluina ang ni loin pe seng raw se; Pathien chun lawm taka petu a nih a hmangai hlak.
8. Thil tha tinreng thawna dinga iengkima in burip zingna dingin Pathien chun malsawmna tinreng hnienghnar takin a vur thei cheu a nih:
9. "A sem dar a, pasiehai a pek a,A tiktlaina chu kumkhuoin A pangngai zing a nih"hti ziek ang khan.
10. Tu dinga thlai chi petu le fak dinga bu petu cheu chun thlai chi pe teuh a ti cheu a, inthangtir a ta, in felna ra chu sukpung bok a tih.
11. Kong tinrenga tiktlai hle dingin sukhausang a ti cheu a, chun, keini hmanga in thilpek lei hin Pathien kuomah lawmthu hril an tih.
12. In somdawlna thilpek hin mi thienglimhai mamaw a phuhrukpek chauh ni loin, Pathien kuoma lawmthu hrilna khom nasa takin sukpung bok a tih.
13. Hi in rongbawlna hin in pom tah Krista Chanchin Tha ta dinga in ringumzie le thu in awizie hai le an ta ding le mi dang po po ta dinga in tiktlaiziehai a suklang a, chu chun Pathien inchawimawitir ngei a tih.
14. Anni khomin Pathien lunginsietna in dong nasa em lei hin ditsak takin in ta dingin tongtai ngei bok an tih.
15. A thilpek hril seng ruol lo leiin Pathien kuomah lawmthu um raw se.
←  2Corinthians (9/13)  →