| ← 2Chronicles (27/36) → |
| 1. | Jotham a hung inlal chun kum sawmhni le kum nga mi a nih. Jerusalemah kum sawm le kum ruk lalin a um a; a nu chu Zadok naunu, a hming Jerusa a nih. |
| 2. | A pa Uzia-in a thaw ang bokin LALPA mithmuah thil tha a thaw hlak a, sienkhom a pa thaw angin LALPA Tempul sunga ruok chu a lut lui ve nawh. Mipuihai ruok chun thil tirdakum thaw an la ching zing a. |
| 3. | Chun, LALPA Tempula kotkhar chunghnung lem chu a siem tha a, Ofel muola kul banghai chu nasa takin a'n din thar nawk a. |
| 4. | Judai ram tlang pheia chun khuohai a'n din a, ramngaw hmuna hai chun kul le vengbuk insanghai a bawl bok a. |
| 5. | Jotham chun Amon lal a do a, a hne a. Chu kum chun Amonhaiin tangkaruo kilogram sangthum zali, huit metric ton sangkhat le barli metric ton sangkhat an hung pek a. Chuong zat bok chu a kum hnina le kum thumnaa khom an hung pek bok a. |
| 6. | LALPA a Pathien hmaa ringum taka kal a chawi leiin Jotham chu a hung hrat ta deu deu a. |
| 7. | Jotham inlal sunga thil tlung danghai, a ral do po po le a thilthaw danghai po po chu Israel le Juda lalhai chanchin inziekna buah a chuong. |
| 8. | Kum sawmhni le kum nga mi a niin a hung inlal a, Jerusalemah kum sawm le kum ruk a'n lal a. |
| 9. | Jotham chu a pi le puhai kuomah a chawl a, Davida khawpuia chun an phum a, a naupa Ahaz chun a lalna chu a hung hluo ta a. |
| ← 2Chronicles (27/36) → |