1Timothy (3/6)  

1. "Tu khom kohrana thuoitu sin thaw nuomtu chun sin inzaum thaw a nuom a nih" ti hi thil indik a nih.
2. Chuongchun, kohran thuoitu ding chu dem kai lo, nuhmei pakhat nei,b insum thei, lungril tluong, mi inzaum, mi thilphal le zirtir thiem,
3. uoin he mi ni lo, kut thlak hmang ni lo mi zaidam, inhal hmang mi ni lo, sum ngaina mi ni lo,
4. mani insung khawsak rel fel mi le nauhaiin inzaa a thu an zawm mi a ni ding a nih.
5. Mani insung khawsak khom rel fel thiem si lo chun ieng tin am Pathien kohran a enkol thei ding?
6. Ring thar hlim ni naw raw se, a ni chun chapo rawi a ta, Diebol angin thiem naw chang ve hlauh rawi a tih.
7. Puo tieng mihai ngaisang mi a ni bok ding a nih, hmingsiet hlawa Diebol changa a awk nawna dingin.
8. Chuong ang bokin kohrana rongbawltuhai khom mi inzaum, zum le zuor intuo ching mi ni lo, uoiin he mi ni lo, indik lo taka hlawkna hmu tuma hnot mi ni lo,
9. sie le tha hrietna fima ringna thu ril chel tlat mi an ni ding a nih.
10. En chieng hmasak phot ding an nih, an tlin chun rong an bawl chauh ding a nih.
11. An nuhmeihai khom chuong ang boka mi inzaum, mi dem ching lo, insum thei, kong iengkima mi ringum an ni ding a nih.
12. Rongbawltuhai chu nuhmei pakhat nei, nauhai le sungkuo enkol thiem mi an ni ding a nih.
13. Rong bawl thahai chu an chan tha tiel tiel a ta, Krista Isu an ringnaa khom nasa takin huoi deu deu an tih.
14. Hi lekha ka ziek lai hin ka hmu vak che ka beisei zing a,
15. sienkhom ka hung inhnu takah tiin Pathien sungkuo, Pathien hring kohran, thutak ban le kengkawtuhai chu, ieng anga um ding am an ni a ti i hriet theina dingin ka hung ziek a ni hi.
16. Sel ruol loin, ei sakhaw thuruk inrilzie hi hril loa hmang a nih:Ama chu taksa puta hung inlang,Thlarauin a'n dikzie a puong lang,Vantirkohai khomin an hmu,Hnam tin lai a thu puong dara um,Khawvel mihaiin an hung ring,Ropui taka lak tung chu a nih.

  1Timothy (3/6)