1Thessalonians (1/5)  

1. Paula, Silvan le Timothe chun Thesalonika khuoa P� Pathien le Lalpa Isu Krista kohran chibai kan buk. Lunginsietna le inremna in kuomah um raw se.
2. Nangni leiin Pathien kuomah lawmthu ka hril rop hlak.
3. Ei P� Pathien hmaa kan tongtai changin in hming ma loin kan lam hlak a, ringna leia in thaw suok hai, hmangaina leia sin in thaw inrimzie hai le ei Lalpa Isu Kristaa beiseina in nei nghetzie hai kan hriet zing hlak.
4. Unauhai, Pathienin a hmangai cheu a, ama ta dingin a thlang suok cheu ti kan hriet.
5. In kuoma Chanchin Tha kan hung intlun lai khan thu el ni loin, thilthawtheina leh Thlarau Thienghlim ring nghet tlatin kan hung hril a, nangni lai kan cham sunga in ta dinga kan khawsak dan khom in hriet kha.
6. Kan um dan le Lalpa um dan latuhai in ni tah a, rinumna nasa tak tuor pumin kan thu in lo pom a Thlarau Thienghlimin lawmna a pek cheu a.
7. Chuongchun, Makedonia le Akaia rama ringtu po po ta dinga enton tak in hung ni a;
8. an ramah Lalpa thu nangni leiin a'n dar el chauh bakah hmun tinah Pathien in ring thu a'n thang a; chuleiin, keinin ieng khom kan hril a tul tah nawh.
9. Kan hung kan cheu tuma in mi lo lawm dan hai, milem biek bansana Pathien hring le indik tak rong bawl dinga Pathien tieng in hung nghat tak thu hai,
10. a Naupa Isu, mithi laia inthoka a keitho, lungsenna hung tlung ding laka mi san suoktu chu vana inthoka a hung ding in lo nghak thu dam an hril huoi huoi a nih.

      1Thessalonians (1/5)