1John (1/5) → |
1. | Atira inthoka um, naa kan hriet, mita kan hmu, kan thlir zing le kut ngeia kan tawk Hringna Thu chu a nih kan ziek hi. |
2. | Chu hringna chu a hung inlang a, kan hmu a, hrepuituah kan thang a; chu chatuon hringna, Pa kuoma um, kan kuoma hung inlang chu a nih in kuoma kan inhriettir hi. |
3. | Nangnin in mi pawl ve theina dingin kan hmu le kan hriethai chu kan hril cheu a; ei inpawlna chu P� le a Naupa Isu Kristaah a nih. |
4. | Kan lawm a kim theina dingin hieng thu hi kan ziek a nih. |
5. | Thucha, a kuoma inthoka kan hriet, kan hril sawng cheu chu hi hi a nih: Pathien chu var a ni a, amaa chun thim hrim a um nawh. |
6. | Ama leh kan inpawl ti sia thimah ei um si chun khel ei hril a ni a, thutakah ei um nawh. |
7. | Amiruokchu, vara ama a um anga eini khom varah ei um chun ei inpawl tlang a nih; chun, a Naupa Isu thisenin ei suol po po a mi sawpfaipek hlak. |
8. | Suol nei loa ei inhril chun mani ei inhlem a ni a, thutak einiah a um nawh. |
9. | Ei suolhai thupha ei chawi chun ei suolhai ngaidamin, ei fel nawna po po tleng fai a tih, ama chu ring a umin a fel si a. |
10. | Suol thaw loa ei inhril chun ama chu khelhlipah ei siem a ni a, a thu khom ei nunah a um nawh. |
1John (1/5) → |