← 1Corinthians (2/16) → |
1. | Unauhai, Pathien thu ril inhriettir dinga in kuoma ka hung khan bau themthiem bik le var bik angin ka hung naw kha. |
2. | In kuoma ka cham sung khan Isu Krista le ama ngei kraws-a hemde a ni thu chauh naw chu ieng dang hriet ni ka tum bok nawh. |
3. | In kuomah hrat naw tak le ti le inthin dor dorin ka hung a, |
4. | ka thucha le thuhril iengkimah varna le tongkam tlor ka hmang naw a, Thlarau thilthawtheina suklang zawngin ka hril hlak kha; |
5. | in ringna chu mihriem varnaa innghat ni loa Pathien thilthawtheinaa innghat a ni lemna dingin. |
6. | Puitling lai ruok chu varna thu kan hril hlak kha, chu chu tu lai mihai varna thu le tlawm el ding an hotuhai varna thu a ni nawh. |
7. | Pathien varna inthup le inril chu kan hril a, chu chu ei ropuina dinga khawvel siem hmaa inthoka Pathienin a lo ruot lawk tah chu a nih. |
8. | Chu chu hi khawvel roreltu tu khomin an hriet nawh, hrie ni hai sien ropuina Lalpa chu hemde naw ni hai. |
9. | Pathien Lekha thuin,'Mita hmu ngai lo, naa hriet ngai lo,Lungrila an la phan phak lo,Ama hmangaituhai ta dingaPathienin a buotsaipek chu'c a ti thu chu kan hril lem a nih. |
10. | Chuong thu chu kan kuomah Pathienin Thlarauin a hung puong a nih. Thlarau chun iengkim, Pathien inrilna khom a dap suok hlak. |
11. | Mihriem ngaituona chu amaa um thlarau chau naw chun tuin am a hriet a? Chuong ang bokin, Pathien ngaituona khom Pathien Thlarau chauh naw chun tu khomin an hriet nawh. |
12. | Khawvel thlarau ei dong naw a, Pathiena inthoka suok Thlarau chu ei dong lem a nih, Pathien thilthlawnpekhai ei hriet thiem theina dingin. |
13. | Mihriem varnaa thu kan inchukhai chu hmang loin, Thlaraua thu kan inchukhai chu hmanga thu hril lemin, thlarau mihai kuomah thlarau tieng thil kan hril fie hlak. |
14. | Tisa mi chun Pathien Thlarau thil ieng khom a lawm naw a, a ta ding chun thil invetthlak a na, thlarau chauha hriet thei a ni leiin a hriet thei bok nawh. |
15. | Thlarau mi ruok chun iengkim a buk thiem a, ama chu mihriem tu khom soisel ruol a ni si nawh. |
16. | Tuin am Lalpa lungril hre a,Ama chu zirtir thei ding?d Eini ruok chun Krista lungril ei put a nih. |
← 1Corinthians (2/16) → |