←  1Chronicles (9/29)  →
1. Israel lalhai chanchin zieknaah
2. An chanpuol khuo hung hluo tan nawktuhai chu Israelhai laia a then le thiempuhai, Levi chihai le tempula sinthawhai an nih.
3. Jerusalema Juda thla, Benjamin thla, Efraim le Manase thla umhai chu:
4. Amihud naupa Uthai, chu naupa Omri, chu naupa Bani an na, anni chu Juda naupa Perez thlahai an nih.
5. Silon thlahai laia um chu a nau upa tak Asaia le a naupahai an nih.
6. Zera thlahai laia um chu Jeuel a nih. Juda thla Jerusalema um po chu an rengin zaruk le sawmkuo an nih.
7. Benjamin hnam hrang hrang Jerusalema umhai chu Mesulam naupa Salu hai sung: Mesulam pa chu Hodavia a na, ama pa chu Hasenua a nih;
8. Jeroham naupa Ibneia sunghai; Uzi naupa, Mikri tupa Ela le a sunghai; Sefatia naupa Mesulam sunghai: Sefatia pa chu Reuel a na, Reuel pa chu Ibnija a nih.
9. An sungkuo thlatuhai suina dungzuia Jerusalema Benjamin thla um po chu zakuo le sawmnga paruk an na, chuonghai chu sungkuo tina lukhaitu vong an nih.
10. Jerusalema um thiempuhai chu: Jedaia hai; Jehoiarib hai; Jakin hai;
11. Pathien in enkoltu Hilkia naupa Azaria hai: Hilkia chu Mesulam naupa a na, ama chu Zadok naupa a na, ama chu Meraiot naupa a na, ama chu Ahitub naupa a nih;
12. Jeroham naupa Adaia hai: Jehoram chu Pasur naupa a na, ama chu Malkija naupa a nih; Adiel naupa Maasai hai: ama chu Jazera naupa a na, ama chu Mesulam naupa a na, ama chu Mesilemit naupa, a na, ama chu Imer naupa a nih.
13. Thiempu, sungkuo tin lukhaitu zat chu sangkhat le zasari le sawmruk an nih. Anni rawi chu mi thei tak tak vong an ni a, Pathien ina rongbawl sin chu an mawphurna a nih.
14. Levihai laia Jerusalema umhai chu: Hasub naupa Semaia: Hasub chu Azrikam naupa a na, Azrikam chu Merari hnama Hasabia naupa a nih;
15. Bakbakar hai, Heresh hai, Galal hai le Mika naupa Matania hai: Mika chu Zikri naupa, Zikri chu Asaf naupa a nih;
16. Semaia naupa Obadia hai: Semaia chu Galal naupa, ama chu Jeduthun naupa a nih; Asa naupa Berekia hai: Asa chu Elkana naupa a na, Netofat-hai khuoa um hlak a nih.
17. Kotkhar vengtuhai chu Salum hai, Akub hai, Talmon hai, Ahiman le a unauhai an na, an hotupa chu Salum an nih.
18. Anni chu tu lai chena suo tieng lal kotsuo nghaktu an na, Levihai riebuk tienga um hlak an nih.
19. Salum chu Kore naupa a na, ama chu Ebiasaf naupa a na, ama chu Kora naupa a nih. Ama le a kotkhar vengpui Kora thlahai chun an pi le puhaiin LALPA biekbuk kot an veng hlak ang bokin, Intuokna Puon in kot veng chu an mawphurna a nih.
20. Tuta hma chun Eleazar naupa Finehas chu kotkhar vengtuhai hotu a ni hlak a, a kuomah LALPA a um a.
21. Meselemia naupa Zekaria chu Intuokna Puon in kota vengtu a nih.
22. Chuong kotkhar vengtu dinga thlang po po chu mi zahni le sawmpahnih an nih. Davida le zawlnei Samuelin an thaw ding senga an lo ruothai chu an umna khuo senga an thlahai tiemna lekhabuah ziek a nih.
23. Anni le an nauhai chu LALPA biekbuk kotkhar vengtuhai an nih.
24. A kil li, sak le thlang le sim le hmara kotkhara hai chun vengtuhai chu an um hlak a.
25. Chun, khuoa um an unauhai chun tum khatah ni sari pei an sin chu an hung thangpui hlak.
26. Vengtu hotu palihai chu Levi chia mi an na, mawphurna insang tak an chel a, tempul sunga thil po po le rosum siena pindanhai enkoltu an nih.
27. Enkoltu sin thaw an ni lei le tuk tina kot hong chu an sin a ni leiin Pathien in bula chun an riek hlak.
28. A thenin rongbawlna bur le bel an enkol a, an lak suok le sie lut zatin an tiem a.
29. A then chu in cheina hmangruo hai, hmun thienghlima bur le bel hai po po, beiphit hai, uoiin hai, hriek hai, beraw le rimtui hai enkoltu dinga ruot an nih.
30. Thiempu a thenin rimtui an siem hlak a.
31. Kora thla, Saluma naupa upa tak, Levi mi Mathithia mawphurna chu inhlan ding bei siem a nih.
32. Chun, Kohat thlaa mi a then chu Sabat zata hlanbei sie ding buotsaitu le sietu an nih.
33. Hla saktuhai le rimawi tumtu, Levi sungkuoa lukhaituhai chu sun le zana thok zing an ni leiin tempulah an riek a, rongbawlna sin danga khom an inawl vong a.
34. Chuonghai chu Levi sungkuoa lukhaituhai, an hnam chanchin inzieknaa lu nina cheltu, Jerusalema umhai chu an nih.
35. Gibeonhai thlatu Jeiel chu Gibeon-ah a um a, a nuhmei hming chu Maaki a nih.
36. A nau lutir chu Abdon a na, a danghai chu Zura, Kisa, Baal, Nera, Nadab,
37. Gedor, Ahio, Zekaria le Miklot an nih.
38. Miklot chu Simeam pa a na, an laibunghai bulah Jerusalemah a um a.
39. Nera chu Kisa pa a na, Kisa chu Saula pa a na, Saula chu Jonathan, Malki-Sua, Abinadab le Esh-Baal (Ish-Boset) hai pa a nih.
40. Jonathan naupa Merib-Baal (Mefiboset) chu Mika pa a nih.
41. Mika naupahai chu Pithon, Melek, Tahrea le Ahaz an nih.
42. Ahaz chu Jada pa a na, Jada chu Alemet, Azmavet le Zimri pa a na, Zimri chu Moza pa a nih.
43. Moza chu Binea pa, Binea chu Refaia pa, Refaia chu Eleasa pa, Eleasa chu Azel pa a nih.
44. Azel nau parukhai chu Azrikam, Bokeru, Ismael, Searia, Obadia le Hanan an nih. Chuonghai chu Azel naupahai chu an nih.
←  1Chronicles (9/29)  →