←  1Chronicles (4/29)  →
1. Juda naupahai chu Perez, Hezron, Karmi, Hura le Sobal hai an nih.
2. Sobal naupa Reaia chu Jahat pa a na, ama chu Ahumai le Lahad pa a nih. Anni hi Zorat hnam an nih.
3. Efrata nau hmasa chu Hura a na, ama chu Bethlehem indintu a nih. Hura chun naupa pathum Etam, Penuel le Ezer a nei a. Etam chun naupa pathum Jezreel, Isma le Idbas a nei a, an farnu hming chu Hazelelponi a nih.
4. Penuel chu Gedor khuo indintu a na, Ezer chu Husa khuo indintu a nih.
5. Tekoa pa Asur chun nuhmei pahnih, Hela le Nara a nei a.
6. Nara chun Ahuzam, Hefer, Temeni le Hahastari hai a hringpek a.
7. Hela chun Zeret, Zohar, Etnan
8. le Koz a hringpek. Koz chu Anub le Hazobeba pa le Harum naupa Aharhel hai thlatu a nih.
9. Jabez chu a unauhai laia inza phur tak a nih. A nu chun, "Rimsi taka ka hring a nih" a ta, a hmingah Jabez a sak a.
10. Jabez chun, "Aw, nangin mal mi sawmin ka ram mi zaupek la ka va hang ti ngei! Mi sukna thei suol laka ka him theina dingin, ka chungah i kut innghatin mi veng him rawh" tiin Israelhai Pathien chu a ko a. Pathienin a hnina chu a'n hlawtlingtir a.
11. Suha unaupa Kelub chu Mehir pa a na, ama chu Eston pa a nih.
12. Eston chu Beth Rafa, Pasea le Tehina pa a nih. Tehina chu Ir Nahas pa a nih. Anni hi Rekaa cheng an nih.
13. Kenaz naupahai chu Otniel le Seraia an nih. Otniel naupahai chu Hathat le Meonothai an na,
14. Meonothai chu Ofra pa a nih. Seraia chu Gerahasim-hai thlatu Joab pa a nih. Gerahasimhai chu kut themthiem mi an nih.
15. Jefune naupa Kaleb naupahai chu Iru, Ela le Naam an nih. Ela naupa chu Kenaz a nih.
16. Jehalelel naupahai chu Zip, Zifa, Tiria le Asarel an nih.
17. Ezra naupahai chu Jether, Mered, Efer le Jalon an nih. Mered nuhmeihai laia pakhat chun Miriam, Samai le Isba hai a hring a, Isba chu Estemoa thlatu a nih.
18. Mered nuhmei Juda mi chun Gedor pa Jered hai, Soko pa Heber hai le Zanoa pa Jekuthiel hai a hring a. Mered nuhmei, Aigupta mi a hming Bithia a na, Aigupta lal sungkuoa mi a nih.
19. Chun, Hodia chun Naham farnu nuhmeiah a nei a, a naupahai chu Garm-hai thlatu Keila le Makathai thlatu Estemoa hai an nih.
20. Simon naupahai chu Amnon, Rina, Ben-Hanan le Tilon an nih. Isi thlahai chu Zohet le Ben Zohet an nih.
21. Juda naupa Sela naupahai chu Leka pa Er dam, Maresa pa Lada dam, Bet Asbea puon zai inhmi khawngtu pawlhai dam,
22. Kozeba khuoa chenghai thlatu Jokim dam, Moab le Jasubi Lehem chunga roreltu Joash le Saraf hai chu an nih. (Hieng chanchinhai hi tiena tlanga mi a nih).
23. Chuonghai chu bel hemtu, lalin a sin thawtu dinga Nataim le Geder khuoa a'n umtir an nih.
24. Simeon naupahai chu Nemuel, Jamin, Jarib, Zera le Saul hai an nih.
25. Saul naupa chu Salum a na, Salum naupa chu Mibsam a na, Mibsam naupa chu Misma a nih.
26. Misma naupa chu Hamuel a na, Hamuel naupa chu Zakur a na, Zakur naupa chu Simei a nih.
27. Simei chun naupa sawm le paruk a nei a, naunu paruk a nei bok a, a unauhai ruok chun nau an hau ve naw a, Juda thlahai angin an thlahai khom an pung ve nawh.
28. Anni chu Beersheba, Molada, Hazar Sual,
29. Bilha, Ezem, Tolad,
30. Bethuel, Horma, Ziklag,
31. Bet Markabot, Hazar Susim, Bet Biri le Saraim khuoa hai an khawsa a, Davida inlal hun chenin chuong khuohai chu anni puola khuo an hluohai chu an nih.
32. An khaw se vela khuo panga Etam, Ain, Rimon, Token, Asan le
33. an kawl vela khawtehai chu Balat chenin an inzar a. Chuonghai chu an inbengbelna hmun a na, an thlatuhai indota suina lekha khom an kol a.
34. Chuonghai chu Mesobad hai, Jamlek hai, Amazia naupa Josa hai,
35. Joel hai, Josibia naupa Jehu hai (Jehu pa chu Asiel naupa Seraia a nih),
36. Elioenai hai, Jakoba hai, Jesohaia hai, Asaia hai, Adiel hai, Jesimiel hai, Benaia hai,
37. le Sifi naupa Ziza hai an nih. Sifa pa chu Alon, chu pa chu Jedaia, chu pa chu Simri, chu pa chu Semaia a nih.
38. Hieng an hming inchuona umhai hi pahnam tina lukhaituhai an na, an sungkuo chu nasa takin an hung pung a.
39. Chuongchun, Gedor (Gerar) kotsuo, ruom sak tieng pang chenin an ran ruolhai tlatna ding zongin an fe suok a.
40. Ran tlatna hmun tha, ram zau tak, muongum tak le re dup el chu an hmu a. Chu hmuna chun a hmain Hama thlahai an lo um hlak a.
41. Amiruokchu Juda lal Hezekia inlal laiin Simeon thlahaiin an hung run a, Hama thlahai le Meuna thlahai chu an bei a, an hlu suok vong a, an hmun chu an hluo songpek a.
42. Chun, Isi naupahai Pelatia, Neraria, Refaia le Uziel hai inrawina hnuoiah Simeon thla mi zanga ruolin Seir tlangram an run a.
43. Amalek mi a tlan hmang naw po chu an that vong a, tu chen hin an hluo ta zing a nih.
←  1Chronicles (4/29)  →