←  1Chronicles (24/29)  →

---

1.

Aron thlahai pawl hrang hranga an insiem dan chu hieng ang hi a nih: Aron naupahai chu Nadab, Abihu, Eleazar le Ithamar an nih.

2.

Nadab le Abihu chu thla nei loin an pa nekin an thi hmasa lem a, Eleazar le Ithamar hai chun thiempu sin an thaw a.

3.

Eleazar thlaa mi Zadok le Ithamar thlaa mi Ahimelek hai thangpuiin Davida chun an rongbawl dan ding ang peiin a pawl pawlin a the dar a.

4.

Ithamar thlahai nek chun Eleazar thlaa mi chu sungkuo lukhaitu an tam lem dai leiin, chuong ang dungzui chun an the a, Eleazar thlahai chu sungkuo sawm le parukin an the a, Ithamar thlahai chu sungkuo parietin an the bok a.

5.

Eleazar le Ithamar thlahai lai chun tempula hotu le Pathien rongbawlna tienga hotu an um ve ve si leiin hlei nei bik um loa rong an bawl theina dingin an rongbawl dan ding indotin thumvawrin an sem a.

6.

Lal le thoktuhai le thiempu Zadok le Abiathar naupa Ahimelek hai hmaa chun thum chu Eleazar sungkuo le Ithamar sungkuo inkara chun inkarthlakin an vawr a, Levi mi, lekha ziektu, Nethanel naupa Semai chun a lo ziek thlak pei a.

7.

An vawr hmasa tak chu Jehoiarib chungah a tlu a, a voi hnina chu Jedaia chungah,

8.

a voi thumna Harim chungah, a voi lina Seorim chungah,

9.

a voi ngana Malkija chungah, a voi rukna Mijamin chungah,

10.

a voi sarina Hakoz chungah, a voi rietna Abija chungah,

11.

a voi kuona Jesua chungah, a voi sawmna Sekania chungah,

12.

a voi sawm le voi khatna Eliashib chungah, a voi sawm le voi hnina Jakim chungah,

13.

a voi sawm le voi thumna Hupa chungah, a voi sawm le voi lina Jesebeab chungah,

14.

a voi sawm le voi ngana Bilga chungah, a voi sawm le voi rukna Imer chungah,

15.

a voi sawm le voi sarina Hezir chungah, a voi sawm le voi rietna Hapizez chungah,

16.

a voi sawm le voi kuona Pethahia chungah, a voi sawmhnina Jehezkel chungah,

17.

a voi sawmhni le voi khatna Jakin chungah, a voi sawmhni le voi hnina Gamul chungah,

18.

a voi sawmhni le voi thumna Delaia chungah, a voi sawmhni le voi lina Maazia chungah a tlu a.

19.

Chu chu LALPA, Israelhai Pathienin an pu Aron kuoma thu a lo pek anga amain LALPA tempula rong an bawl dan ding a lo ruot chu a nih.

20.

Hienghai khom hi Levi chihai laia sungkuo lukhaitu an nih: Amram nauhai lai Subael; Subael nauhai lai Jedeiah;

21.

Rahabia nauhai lai Isia;

22.

Izar-hai lai Selemot; Selemot nauhai lai Jahat;

23.

Hebron naupahai lai a hmasa takah Jeria, a dotah Amaria, a pathumnaah Jahaziel, a palinaah Jekameam;

24.

Uziel nauhai lai Mika; Mika nauhai lai Samir;

25.

Mika unauhai lai Isia; Isia nauhai lai Zekaria;

26.

Merari nauhai lai Mahli, Musi le Jazia;

27.

Jazia nauhai lai Beno, Soham, Zakur le Ibri;

28.

Mahli naupa Eleazar, nau pasal nei loa um;

29.

Kisa nauhai lai Jerameel;

30.

Musi nauhai lai Mahli, Eder le Jerimot.Chuonghai po chu Levi thlahai laia sungkuo lukhaituhai chu an nih.

31.

An unau, Aron thlahai thaw dan angin an sungkuo lukhaitu tak le a naupang tak chen khom rong an bawl dan ding hrietna dingin thum an vawr hlak a, chu chu lal Davida hai, Zadok hai, Ahimelek hai, thiempuhai le Levi sungkuoa lukhaituhai mithmuah an thaw hlak.

---

←  1Chronicles (24/29)  →