| ← 1Chronicles (2/29) → |
| 1. | Hienghai hi Israel naupahai chu an nih: Reuben, Simeon, Levi, Juda, Isakar, Zebulun, |
| 2. | Dan, Josefa, Benjamin, Naftalia, Gad le Aser. |
| 3. | Juda chun naupa panga a nei a. A nuhmei Batsua, Kanan mia inthokin pathum Er, Onan le Sela an nih. A upa tak Er chu LALPA mithmuah a suol em leiin a sukhlum a. |
| 4. | A monu Tamar-in Juda lakah nau inphir, Perez le le Zera a neipek a. |
| 5. | Perez naupahai chu Hezron le Hamul an nih. |
| 6. | Zera naupahai chu Zimri, Etan, Heman, Kalkol le Darda (Dara), an rengin panga an nih. |
| 7. | Karmi naupa chu Akar (Akan), lak thieng loa khap thil hluihlawn a lak leia Israelhai sukbuoitu kha a nih. |
| 8. | Ethan naupa chu Azaria a nih. |
| 9. | Hezron naupahai chu Jerameel, Rama le Kaleb (Kelubai) an nih. |
| 10. | Rama inthoka Jesai chena an inthla sawng dan chu: Rama'n Aminadab a hring a, Aminadab-in Juda thlahai laia thuoitu langsar Nason a hring a, |
| 11. | Nason-in Salmon (Salma), Salmon-in Boaza a hring a, |
| 12. | Boaza-in Obed, Obed-in Jesai a hring. |
| 13. | Jesai naupahai laia a nau lutir chu Eliab a na, a pahnina Abinadab, a pathumna Simea, |
| 14. | a palina Nethanel, a pangana Radai, |
| 15. | a parukna Ozem le a pasarina Davida a nih. |
| 16. | A naunuhai chu Zeruia le Abigail an nih. Zeruia chun naupa pathum Abisai, Joab le Asahel a hring a. |
| 17. | Abigail chun Amasa a hring a, Amasa pa chu Ismael mi Jether a nih. |
| 18. | Hezron naupa Kaleb chun nuhmei pahnih, Azuba le Jeriot a nei a, Azuba naupahai chu Jeser, Sobab le Ardon an nih. |
| 19. | Azuba a thi chun Kaleb-in nuhmeiin Efratha a nei a, ama chun Hura a hringpek a. |
| 20. | Hura chun Uri a hring a, Uri chu Bezalel pa a nih. |
| 21. | Chu hnunga chun Gilead pa Makir naunu chu Hezron-in kum sawmruk a ni hnungin a pawl a, nuhmeiah a nei a, Segub a hringpek a. |
| 22. | Segub chu Gilead rama khuo sawmhni le khaw thum neitu Jair pa a nih. |
| 23. | (Nisienlakhom, Gesur le Aram haiin Jair-a khuo Havot Jair le Kenat le a se vel khuo sawmruk chu an lakpek a.) Chuonghai po po chu Gilead pa Makir thlahai chu an nih. |
| 24. | Kaleb-Efratha khuoa Hezron a thi hnungin a nuhmei Abija chun Asur a hringpek a, ama chu Tekoa pa a nih. |
| 25. | Hezron nau lutir Jerameel naupahai chu: a nau lutir Rama bakah Buna, Oren, Ozem le Ahija an nih. |
| 26. | Jerameel chun nuhmei dang a hming Atara a nei a, ama chu Onam nu a nih. |
| 27. | Jerameel nau lutir Rama naupahai chu Maaz, Jamin le Eker an nih. |
| 28. | Onam naupahai chu Samai le Jada an nih. Samai naupahai chu Nadab le Abisur an nih. |
| 29. | Abisur nuhmei hming chu Abihail a na, ama chun Aban le Molid a hringpek a. |
| 30. | Nadab naupahai chu Seled le Apaim an na, Seled chu suonmongin a thi a. |
| 31. | Apaim naupa Isi chu Sesan pa a na, Sesan chu Ahlai pa a nih. |
| 32. | Samai unaupa Jada naupahai chu Jether le Jonathan an na, Jether chu suonmongin a thi a. |
| 33. | Jonathan naupahai chu Pelet le Zaza an nih. Chuonghai chu Jerameel thlahai chu an nih. |
| 34. | Sesan chun naunu chauh a nei a. Aigupta mi siehlaw, a hming Jarha a nei a. |
| 35. | Sesan chun a naunu chu Jarha a'n neitir a, naupa Atai a hringpek a. |
| 36. | Atai chu Nathan pa a na, Nathan chu Zabad pa a na, |
| 37. | Zabad chu Eflal pa a na, Eflal chu Obed pa a nih. |
| 38. | Obed chu Jehu pa a na, Jehu chu Azaria pa a nih. |
| 39. | Azaria chu Helez pa a na, Helez chu Eleasa pa a nih. |
| 40. | Eleasa chu Sismai pa a na, Sismai chu Salum pa a nih. |
| 41. | Salum chu Jekamia pa a na, Jekamia chu Elisama pa a nih. |
| 42. | Jerameel unaupa Kaleb naupahai chu: A nau lutir Mesa chun Zip a hring a, Zip chun Maresa a hring a, Maresa chun Hebron a hring a. |
| 43. | Hebron naupahai chu Kora, Tapua, Rekem le Sema an nih. |
| 44. | Sema chu Raham pa a na, Raham chu Jorkeam pa a nih. Rekem chu Samai pa a nih. |
| 45. | Samai naupa chu Moan a na, ama chu Beth Zur pa a nih. |
| 46. | Kaleb hmei Efa chun Haran, Moza le Gazez a hringpek a. Haran naupa hming khom Gazez bok a nih. |
| 47. | Jadai naupahai chu Regem, Jotham, Gesan, Pelet, Efa leh Saaf an nih. |
| 48. | Kaleb hmei dang Maaka chun naupa Seber le Tirhana a hringpek a. |
| 49. | Ama chun Saaf khom a hring bok a. A hnungah nau pahnih, Madmana khuo indintu Saaf le Makbena le Gilbea khuo indintu Seva hai chu a hringpek bok a. Kaleb naunu chu Aksa a nih. |
| 50. | Chuonghai chu Kaleb thlahai chu an nih.Efratha nau lutir Hura thlahai chu: Kiriat Jearim pa Sobal, |
| 51. | Bethlehem pa Salma le Beth Gader pa Haref an nih. |
| 52. | Kiriat Jearim-hai thlatu Sobal chun Haroe-hai, Manahat hnam zatve a thla a. |
| 53. | Kirait Jearim hnamhai chu Ithri hai, Put hai, Sumat hai, Misra hai an nih. Hienghaia inthok hin Zorat-hai le Estaol-hai an hung suok a nih. |
| 54. | Salma thlahai chu Bethlehem hai, Netofat hai, Atrot Beth Joab hai, Manahat hai zatve le Zor mi hai, |
| 55. | lekha ziektu Sofer hnam, Jabez-a um Tirat hai, Simeat hai, Sukat hai an nih. Chuonghai chu Rekab thlahai laia mi Hamat thla Ken mihai chu an nih. |
| ← 1Chronicles (2/29) → |