←  1Chronicles (14/29)  →

---

1.

Tura lal Hiram chun

2.

LALPAN Israelhai chunga lala a suknghetzie le a mi Israelhai zara a ram chu a chawisang a nizie Davida chun a hriet a.

3.

Jerusalema chun Davidan nuhmei a nei bel a, naupa le naunuhai a nei sa bok a.

4.

Jerusalema inthoka a nau pienghai chu Samua, Sobab, Nathan, Solomon,

5.

Ibar, Elisua, Elpelet,

6.

Noga, Nefeg, Jafia,

7.

Elisama, Beliada (Eliada) le Elifelet hai an nih.

8.

Filistin mihaiin Davida chu Israel mi po po lalah hriek an nal tah ti an hriet chun zong dingin an sipai po po leh an inthok suok a, sienkhom Davidan a lo hriet lawk leiin anni chu lo bei dingin a'n thok suok ve a.

9.

Filistinhai chu an hung a, Refaim Ruom an hung run a.

10.

Davida chun "Fe suokin Filistinhai chu ka do ding am a ni? Anni chu ka kutah i mi pek ding am a nih?" tiin Pathien a rawn a. LALPA chun, "Hang fe rawh, anni chu i kutah peng ka ti che" a ta.

11.

Chuongchun, Davida chu a mihai leh Baal-Perazim-ah a hang fe a, chu taka chun Filistinhai chu a hne a. Ama chun, "LALPAN ka kut hmangin, ka hmelmahai chu tuiting inthe angin a vuok dar vong tah" a ta, chu hmun hminga chun Baal Perazim tiin a'n buk a.

12.

Filistinhai chun an pathien lemhai chu an tlansan a, Davida chun raw hmang vong dingin thu a pek a.

13.

Sawt naw te hnungah Filistinhai chun Refaim ruom bok chu an hung run nawk a.

14.

Davida chun Pathien a rawn nawk a, Pathien chun, "Hmason chot el loin inhuol tawl la, balsam thing kung zawna son bei tawl rawh.

15.

Balsam lera ke pen ri tlut tlut i hriet charin anni chu bei rawh. Filistin sipaihai bei dingin i hmaah Pathien a fe tina a nih" a ta.

16.

Davida chun Pathienin a hril ang tak chun a thaw a, Filistin sipaihai chu Gibeon-a inthoka Gezer chen a hnot a, a that teu a.

17.

Davida hming chu a hung inthang ta hle a, LALPA leiin ama chu hnam tinin an ti a.

---

←  1Chronicles (14/29)  →