| ← Psalms 113/150 → |
| ربّه حمد ادئن! اي ربّئن قوللاري، اونا حمد ادئن، ربّئن آدينا حمد ادئن! | .1 |
| ربّئن آدي ائندئدن ابده کئمي موبارک اولسون! | .2 |
| گون دوغان يردن باتان يره قدر، ربّئن آدي حمد ادئلمه‌لي‌دئر. | .3 |
| رب هامي مئلّتلردن اوجادير، اونون شؤوکتي گؤيلردن يوخاري‌دير. | .4 |
| تاريميز رب کئمي کئم وار؟! او، اوجالاردا اوتوروب، | .5 |
| آمّا گؤيلرده و ير اوزونده اولانلارا باخماق اوچون اَيئلئر. | .6 |
| ضعئف آدامي تورپاقدان قالديرير، مؤحتاج آدامي کوللوکدن اوجالدير کي، | .7 |
| اعيانلارلا، خالقينين اعيانلاري ائله بئر يرده اوتورسون. | .8 |
| سونسوز آروادا اِو ورئر، اونا اؤولاد ورمکله اونو بختور بئر آنا ادئر. ربّه حمد ادئن! | .9 |
| ← Psalms 113/150 → |